Бұл маман деректер базаларын жобалау, сүйемелдеу және әкімшілендіруді жүзеге асырады, соның ішінде құрылымын әзірлеу, деректердің қауіпсіз сақталуын қамтамасыз ету және ұйымның қажеттіліктеріне сәйкес тиімді басқару. Ол деректерге жедел әрі қауіпсіз қол жеткізуді жүзеге асыратын сенімді ақпараттық жүйелерді құру мен оларды қолдауға, сондай-ақ ақаулар орын алған жағдайда деректерді қалпына келтіруге жауапты.
Сонымен қатар, бұл маман әртүрлі есептеу құрылғылары мен бағдарламалық қамтамасыз етуді орнату, баптау және техникалық қызмет көрсету, сондай-ақ желілік жабдықтарды монтаждау, баптау және әкімшілендіру жұмыстарын орындайды.

Жұмыс орны: ІТ-компаниялар, мемлекеттік мекемелер, өндірістік кәсіпорындар, қаржы және білім беру ұйымдары, сондай-ақ әртүрлі саладағы жекеменшік компаниялар.